***
Сеецца дожджык, імжыць, імгліць,
Сцякае вада па лісці.
Проста жыву, душа не баліць,
Балела яна – калісьці.
Я проста жыву. Імгліць, імжыць
І сеецца дробны дожджык.
Нават і проста няпроста жыць,
Калі ты – жывы нябожчык.
Проста жыву, ды няпроста жыць,
Сцякаць, як вада па лісці.
Проста маўчу, што душа баліць,
Пра гэта казаў – калісьці.
02. 07. 2018 г.
Сеецца дожджык, iмжыць, iмглiць...
© Copyright: Юрий Боровицкий, 2018
Свидетельство о публикации №118070206385
Свидетельство о публикации №118070206385
Рецензии