ГРИБОLOVE
Кось до полудня любит спати
А кось зрана на рыбалку
А я зрана грибы йду збирати
Бо привык ім так ізмалку
Лежат над селами туманы
Я пуднимаюся в ґруні
Знают справжні грибоманы
Не найдеш грибу на руні
Грибы є разні як і люди
Пудберезникы червонякы
Гуркыні лисичкы тай губы
Но май цінні білі тай боровикы
Быває так що пораз ми і тяжко
Пувдня ходити горами хащами
Коли у ня грибу повні ташкы
Но всьо ровно ня тягне гі "кліщами"
Та як выйду си на ґрунь
На самисиньку вершину
Та тогды си сяду вунь -
Із'їм дарабу хліба й солонину
Та подивлюся згорі дулу
Що кругом ся в світі діє
На Уґлю і Велику і Малу
І душа ми з того аж радіє
Автор: Мігаль Стан, с. Уґля, 18 іюня 2018 г.
Грибоlove
© Copyright: Миша Стан, 2018
Свидетельство о публикации №118062402311
Свидетельство о публикации №118062402311
Рецензии