ххх
Кимге да мен бирча иги болалсам,
Тилегине, жумушуна жарасам,
Сюе эдим, алай а жокъ амалым.
Къадарыма онгсунмайын къарадым.
Чыкъгъан жолум – чыгъаналы болса да,
Кюрешледен, эришледен толса да,
Бири аман, бири ариу къарагъан,
Бири – билек, бири – мени марагъан,
Жазыууму тюрлендирлик мен тюйюл.
Жерде ким да ёледи сюйюп, кюйюп.
Алай а кёп сейир этдирген адам,
Бирге ушагъан а жерде аз, баям.
Биреу санар, жыйып турур байлыгъын,
Аман бетли болур кеси къайгъылы,
Ючюнчюню бек сюйгени уа – ашау…
Не этейик? Алай барады жашау.
Талпыныуум илешмейди кёплеге,
Не къыйынды алгъа барсанг, ёрлеге,
Ушамасанг башхалагъа жыйында.
Сынау деген алай келе, жыйыла.
Бейтугъанланы Исмаил
***
© Copyright: Исмаил Бейтуганов, 2018
Свидетельство о публикации №118061802156
Свидетельство о публикации №118061802156
Рецензии