Са пуд вацра чахъ галаз жез
Мугьман хьанва гад.
Гатана зи дак/ардин хел
Заз чим гъанва мад.
Недай зат/ни гвалда вичив
Машмашни п/ени.
Шад жедалда аялризни
Емишар к/ени.
Яргъи йукъуз ракъинивни
Вегьез тваз нурар
Алахъдалда яру ийиз
Шефтелрин хурар.
Гьазурна, гьуьлуьн ятарни
Вугудалда чав.
Авурай лугьуз , цера чи
Аялри сирнав.
Бул няметар гузвай чиле
Твадалда ифин.
Аялризни к/андай вахт я,
Мектебдиз тефин.
Ша гуьзел гад , вун атунал
Чун шад я вири.
Т/ебиатдал чан гъанва на
Авунва дири.
Гад атана
© Copyright: Гулья Мисриханова, 2018
Свидетельство о публикации №118061000402
Свидетельство о публикации №118061000402
Рецензии