Оьмюрлер йимик болуп,
Оьзенлер агъа-агъа,
Жан берейим алдынгда
Бетинге багъа-багъа.
Ашагъыр ашлар булан,
Яшна гъыр яшлар булан,
Яш оьмюрюнг пуч гетди
Къайдагъы наслар булан.
Вай магъа да, магъа да,
Къыт болдунг, алтынлардай,
Бир гюн гелсин сагъа да
Мени айтып йылардай.
Тюбекни гёзлеп чагъар,
Тёбе башда от ягъар,
Бир етмесе, бир етер
Мени агь-вайым сагъа.
Этмегинг булан этинг,
Этмединг мени бетим,
Этмеген мени бетим,
Битсин оьмюрюнг,етим
Аривден арив озар,
Адамгъа адам базар,
Адамлар эм тапмасдай
Этдинг мени сен азар.
Оьзенлер агъа-агъа
© Copyright: Зумурут Даидова, 2018
Свидетельство о публикации №118060900034
Свидетельство о публикации №118060900034
Рецензии