Янгыдан язлар гелсе,
Сююнюп яшлар йырлар,
Мени гьалымны белси,
Учагъа къушлар йылар.
Яздан сююнюп болсан,
Вай,магъа не бар эди?!
Мен талайлы жан бусам,
Айтгъаным болар эди.
Гечелени-гюнлени
Бирин де айырмайман,
Янымда гёрсен сени,
Оьлсем де къайырмайман.
Язны гюнлери гете,
Яшнап гюлю-тереги,
Дюньяда яшап нете,
Болмагъан сонг гереги?
Мени герегим сенсен,
Сенсен мени талайыма,
Янгыдан язлар гелсе,
Сенсез нечик къалайым?
Среда ара чалынг,
Чалышны къазыкълары,
Бармыкен бизден башгъа
Аллагъны языкълары?
Янгыдан язлар гелсе,
Сююнюп яшлар йырлар,
Мени гьалымны белсе,
Учагъан къушлар йылар.
***
© Copyright: Зумурут Даидова, 2018
Свидетельство о публикации №118060809364
Свидетельство о публикации №118060809364
Рецензии