Язбаш булан яшнайгъан гюл терекде,
Эсге тюшсенг, огь, менден Бир гьал бола,
Сенден магъа онча кёп зат герекмей,
Тавушунг эшитсем,
Юрек ял бола.
Бюлбюлню сесине тынглайгъан йимик,
Тавушунг эшитсем,
Насип иржая,
Мен сени,
Сен мени англайгъан йимик,
Тавушунг юрекни зарларын чая.
Тартынып, болмайман, айтмагъа сагъа,
Чеч мени явлугъум,
Янымда олтур,
Сенден артыкъ зат герекмей магъа,
Янымда олтуруп,
Дюньямны толтур.
***
© Copyright: Зумурут Даидова, 2018
Свидетельство о публикации №118060808421
Свидетельство о публикации №118060808421
Рецензии