Язбаш булан яшнайгъан гюл терекдей,
Эсге тюшсенг, огь,менден бир гъал бола.
Сенден магъа онча кёп зат герекмей ,
Тавушунг эшитсем,
Юрек ял бола.
Бюлбюлню сесине тынглайгъан йимик ,
Тавушунг эшитсем ,
Насип иржая ,
Мен сени ,
Сен мени англайгъан йимик ,
Тавушунг юрекни зарларын чая.
Тартынып ,болмайман ,айтмагъа сагъа ,
Чеч мени явлугъум ,
Янымда олтур ,
Сенден артыкъ зат герекмей магъа,
Янымда олтуруп ,
Дюньямны толтур .
***
© Copyright: Зумурут Даидова, 2018
Свидетельство о публикации №118060209064
Свидетельство о публикации №118060209064
Рецензии
