Талайлы танг тувуп геле къызарып
Айлана якъ гъайран арив анг булан ,
Мен къалгъанман тангдан сагъа бозарып,
Талайыма бозаргъандай танг булан .
Гюн шавласы авлакъланы акъ чыгъын
Йыртыллатып къамашдыра гёзюмню ,
Талавум кёп ,
Тангдан тутуп талчыгъып ,
Талайсыздай гьис этемен оьзюмню .
Танг булан бир яхшылыкъгъа етгендей ,
Къушлар чарнай ,
Мени гьалым билмейген ,
Аллагь оьзю магъа артыкъ этгендей,
Сен етимни
Бир айланып гелмейген .
Сен оьпмеген энглеримни гюювюн
Басылтмагъа къарайгъандай юваш ел,
Мен гётерип къыйынларын сюювню
Сен гётермей,
Къыйын магъа,
Етип гел!
Танг
© Copyright: Зумурут Даидова, 2018
Свидетельство о публикации №118060208919
Свидетельство о публикации №118060208919
Рецензии
