Ярны ярып чыкъгъан гюлдей шаир къыз,
Йырынг булан юреклерде яшайсан,
Тенглешдирме тюшмей сени йыр булан,
Гюллер сёне - сен гюн сайын яшнайсан.
Бары затдан инсанлыкъны оьр гёрюп,
Инсан гъакъда, къылыкъ гъакъда язасан,
Таза йырлар чыгъар таза юрекден,
Сен тангдагъы чыкълар йимик тазасан.
Сени йимик къызман,денгиз юрекли,
Сагъа язгъан шу йырымны аларсан,
Яхшылыкъгъа къуллукъ этген чакъы сен,
Яхшы йырдай юреклерде къалырсан.
ШАИР КЪЫЗ
© Copyright: Зумурут Даидова, 2018
Свидетельство о публикации №118060208710
Свидетельство о публикации №118060208710
Рецензии