Дуст, на жуваз гумир азаб,
Яб це садра дикъетдив:
Гьикl ийида на гьахъ-гьисаб
Къамат тахьай зегьметдин?
Дуьнья къе са вир я рагъул,
Балугъ хьиз вун къугъурда.
Герек амач намус, акьул,
Хьайитlа вун какурда.
Душмандизни гьуьрмет ая,
Ухшар ятlа итимдиз.
Фитнечидиз лянет ая,
Фу къакъудар етимдин.
Минет я ваз ахмакьбурун
Арада кьил агъузмир.
Вун кьацlурда негьякьбуру-
Жуван дамах ажузмир!
Душмандизни гьуьрмет ая
© Copyright: Магомед Мирзоев Мирзой, 2018
Свидетельство о публикации №118060109468
Свидетельство о публикации №118060109468
Рецензии