Хье мурадар

Габибуллах Омаров   

Магlсулар завал аркьа
вахт, алайкуф хьурай уп
Къалинди мекlер аркьай,
Кьурд цlуппеф дахьурай уп.

Экlен, сулен хуппурар,
Къурахи дугурай уп
Тук ахъунде багъларил,
Махмахай дугъурай уп.

Гамебури мурадар,
Хье йиркlвар дуз хьурай уп.
Кане рушар, гедаяр,
Сад- саис кьисмат хьурай уп.

Цlекlин аркьа жегьилис,
ВАС мубарак хьурай уп.
Фуни ае сусарис,
Сагъ велед ухурай уп.

Армий вере кьагlалис,
Вун сагьди адирай уп.
Сафари ве гьуларис,
Рекъкъ угъармиш хьурай уп.

Йиркlуран иже хиял,
Дахи бутмиш хьурай уп.
Чlире йиркlвар аеттар,
Гlули батмиш хьурай уп.

Рекъуl алчархье кастис,
Ле вас ягъур хьурай уп.
Кардил але нажбарис,
Ле вас кьуват хьурай уп.

Кlина дуяйлас веттис,
Жаннат кьисмат хьурай уп.
Вес аме насиларис,
Ме насиаlт хьурай уп.

Са кьацl уlтlайде гуни,
Хьес, гlулалдеф хьурай уп.
Вун хlа аркьае велед,
Вафалудеф хьурай уп.

Кlурари ахъайде тук,
Емиш хареф хьурай уп.
Аликlае кангна лак,
Шатти дургъаф  хьурай уп.

Вере уlумур хье дуел,
Ахир ижеф хьурай уп.
Киркlуна футнана къал,
Дуньягь ислагl  хьурай уп.

Источник: Кн." Че -Агул" Дагиздат, Махачкала, 1997г.
https://ok.ru/agulchevat/album/53952230850792