Баванйиркi

 Б А В А Н    Й И Р К I

Угъвас анда агъайий угъвалар,
Ахъахъаста агъайий вун тукар.

Тlабиаlтди хьевас хабар гъушунда,
Учин сир гъам гьич хьес ачух акьунда.

Нур ичай амийчира дуньел рагъу.
Аме уlмур бавас хьунихи агъу.

Цlае бунер фататая тукари,
Хаб шадвелар акьаяхи иркlвари.

Халичийхъ укьуна акьай лукlунар,
Къумшилла ал сус ахай цlекlинар.

Амма айванихъас хутурфае баван
Йиркlуралас вей ада велед шуван.

Исна сури гадайкес адай хабар
Фишти баван иркlура гъахай ми кар.

Умуд хъуме адесси пуна мукьари:
----  Зе геда гьич гъузаф дава некьвари.

Агь баван йиркl, цlа лихьуна угунде
Кlилилди махмахайна, свел угъунде,

Аладаве ибхь алихьуна дагъ суман
Жагвар хьуни, агъ суман, чlарар баван.

Кlаре ягълукъ акъас хьундава дегиш,
Улар хьуни даиман аlшай вардиш.

Агь зурба кар хъа инсандихъ кlиб агъай,
Гьативай удигьас агвай-агвай.

Адес кинда, агвас анда сара вас,
Киндава сара гьич ве багулив ахъукьвас.

Баладава, вахт хьуна ушуттарин,
Дуньял алмий йиркl фарикьат хьутарин.

Нанди гъаха кар э кlиб жагьилжаван
Улер хъамий ушунде дадан бабан.

Шаб дапас гьал хьин хьехъаси аlшаеф
Булах хьуна улин нагъар латаеф,

Зус язукъи жагьил уlумур тук суман,
Дуньяйил дахье дардунас дарман.

Сад ушуни хъаттихьу сус атуна,
Сайиди кьуl велед ятум акьуна.

Сади йиркlуран мурад бегьем дахьеф,
Чачанди гьич кlи мукьра яаlр дахьеф.

Даlвил кlиттар ахиратин шагьидар,
Дин бадалди жанар къулбан акьуттар.

Афгандин суй, Къарабах хьуна кьисмат
Мус киркlваси гьами даlвин мусибат.

Фи бадалди талаф вея игитар?
Халкьар сад-сал алчимика, бандитар.

Чвес  бабарин йиркlуракес ухь хабар
Шаб даес хьин хье халкьарис аlазабар.

Ислагьвелдин луф лурцlурай кlиларил,
Гьич вахт дахьеф фадайшурай накъарил,

Таргъунарил агучира хьес тарих,
Девегьилди хьурай хье йиркlар дарих.