Вецер кратае пажоўклае лісце,
Я ўжо сюды не вярнусь.
Я не шукаю ніякага выйсця -
Ў магілах мая Беларусь.
Даўна прайшло беларускае лета -
Вецер кратае лісты.
Прабач, Беларусь, небараку-паэта,
Ужо не абудзішся ты...
І не пачуюцца словы Купалы -
Жоўкнуць на дрэвах лісты.
Песні, што людзі калісьці спявалі
Больш не пускаюць расты.
Я на магілах шукаю траву -
Я ўсё кудысьці ірвусь.
Я-то, магчыма, яшчэ пажыву.
У магілах ляжыць - Беларусь.
Беларусь
© Copyright: Чацкий Александр, 2018
Свидетельство о публикации №118052307875
Свидетельство о публикации №118052307875
Рецензии
Саша, шаноўны, нельга засяроджваць думку толькі на негатыве. Вы ж, напэўна, ведаеце, што слова і думка здольны стаць матэрыяльнымі. Вы ж любіце свае Паставы, і гэта ўжо не так кепска, як здаецца. Словы Купалы будуць жыць і жывуць у яго творах, так як і іншых майстроў. Я, напрыклад, нізка схіляю галаву перад майстэрствам слова і думкі нашых Ніла Гілевіча, Рыгора Барадуліна, Максіма Багдановіча, і больш сучасных паэтаў - Леаніда Дранько-Майсюка, Ніны Мацяш,Соф'і Шах (цудоўнейшыя вянкі санетаў),Віктар Гардзей, Эдуард Акулін,Алесь Жыгуноў,Васіль Гадулька і шмат іншых. Але Вы ўсё роўна малайчына!!! Працуйце над словам, выношвайце чыстую думку,тварыце на рада сць сабе, і нам, чытачам, і Краіне! Жыве, Беларусь!!! Са шчырымі пажаданнямі натхнення, і святла,
Ядвига Довнар 16.06.2018 20:50 • Заявить о нарушении
Ядвига Довнар 16.06.2018 20:50 • Заявить о нарушении
На это произведение написаны 4 рецензии, здесь отображается последняя, остальные - в полном списке.