Бендедални алчахди гьалт тавурай-
Кlвал цгъайдаз экуь дуьнья дар жеда,
Виликамаз мукъаятвал акурай,
Геж хьайитlа хуьре, к1вале тlвар жеда.
Мал хьиз ява физ ацукьда кlанинал,
Шатал мезни элкъвез жеда кlанивал,
Квахьда кlвалин берекатни, къенивал,
Алай чка вирибруз хабар жеда.
Са кlвалахни жедач вичин къайдада,
Негьякьбурун жеда гьамиш арада,
Негьякьдаказ сив гьамиша рахада,
Гагь вичикай бегьем са кафтар жеда.
Ахмакь хьайи итимни, гьеллебаз хьиз,
Жеда папал дамахиз, бушбугъаз хьиз,
Акьулдизни хьайитlа вич даяз хьиз,
Мердимазар вичихъни дустар жеда.
Алчахдакай хуьр гьамиша бизар я,
Кими тирди алчахдаз са пурар я,
Вирибуру лугьузва- им азар я!
Алахьнавай п1узаррални звар жеда.
Бендедални алчахди гьалт тавурай
© Copyright: Магомед Мирзоев Мирзой, 2018
Свидетельство о публикации №118051809507
Свидетельство о публикации №118051809507
Рецензии