Надыдзе час, калi аднойчы
Я радасна ўздыхну,
Прачнуся i расплюшчу вочы,
Вiтаючы вясну.
Жыцця мiнулага суценне
Адыдзе ў небыццё,
Узыдуць новыя праменні –
Доўгачаканыя змяненні –
Узбагацяць жыццё.
Там будуць радасныя дзеці
Гарэзнiчаць штодня.
Там будзе мiр, пакуль на свеце
Дзіцячая гульня
Гульнёй навечна застанецца,
Без крыўды і маны.
Хто пераможа: Вася, Пеця? –
Вядома, той, хто чысты сэрцам.
Хай ведаюць яны.
Там будзе дзень – як быццам свята,
Дзе ўсё, як мае быць:
Не пойдзе брат вайной на брата,
А пойдзе, каб здабыць
Праз незабыўнае застолле
Пад чарку з агурком
Размову аб найлепшай долi.
Няхай не зблытае ніколі
Ён мову з языком.
18.05.2018
Надыдзе час
© Copyright: Вершы, 2018
Свидетельство о публикации №118051809317
Свидетельство о публикации №118051809317
Рецензии
Дык хай жа Божа дасць той дзень,
І збудуцца аб долі мары,
Пяшчотай сонечны прамень
Усім-усім аблашчыць твары...
З найлепшымі пажаданнямі.
Ядвига Довнар 07.06.2018 23:49 • Заявить о нарушении
І збудуцца аб долі мары,
Пяшчотай сонечны прамень
Усім-усім аблашчыць твары...
З найлепшымі пажаданнямі.
Ядвига Довнар 07.06.2018 23:49 • Заявить о нарушении