Агъа оьзен ташгъыныдай ойланы,
Экибизде болдукъ ону бойлары.
Узатсакъ да етме къоймай къолланы,
Генг авлагъы агъылагъан сувланы.
Сурат кёпюр ярашгъандай ёлукъма,
Гюнеш чыкъгъан, тек къырейлер сорукъмай.
Яралгъанбыз бир-биревге сукъланма.
Насип етмей сюйдюм сувлар уртлама.
Тамурудай яшнатагъан терекни,
Ёл узатар ёкъ ёлдашы юрекни.
Гьаман ёлну янгыз оьтме буюргъан,
Яшав ёлум гьёкюнч гёрме къурулгъан.
Агъа оьзен
© Copyright: Адилгерей Минатуллаев, 2018
Свидетельство о публикации №118050908807
Свидетельство о публикации №118050908807
Рецензии
