ХкIадалди вак зи вил,
Кьадалди руш за ви гъил,
Вун аквазди авуна,
Ви чIалари зун вал гуьл.
Ви цIарар гьатна кьиле,
Такуна жуваз гьеле,
Билбил яни керекуьл,
Вуж жедатIа зи кIвале.
Яргъал алайтIани чун,
РикIи чIугуна зи вун.
Разивилер хьана чи,
Арачи яз телефон.
ЦIрай жив хьиз каф хьана,
Ваз сидкьидай гаф гана.
Мукьвал хьайла гъидай вахт,
Ахпа рикIе хаф хьана:
"Хуьруьз-кIвализ вуч жаваб
Гуда хьайт1а ганда паб.
Таяр-туьшер,танишар
ХъуьредатIа зал яраб ?
ХьайитIа нер яргъиди,
Савугъ,рикIиз къайиди,
ЯтIан кьадар Аллагьдин,
Вил чапрас,кIвач кьецIиди".
-Зи бахтуни гъайиди,
Интернетди гайиди,
Завай зи гаф чIур жедач,
Хьурай ана хьайиди.
Кьил квадармир басрухда,
Тафтарни тур сандухда.
Рахадайдаз къвалалай
Чи кьведан сир ачухда.
Вун динж хьана свас жеда,
Ваз наз-дамах хас жеда.
Эвлемиш хьай шииррал,
Зун сад лагьай кас жеда !
Зарафат
© Copyright: Сейфудин Шахпазов, 2018
Свидетельство о публикации №118050601807
Свидетельство о публикации №118050601807
Рецензии