Гатфар, вакай гьикьван чlалар кхьенва!
Амма зани жуван кьве гаф лугьуда.
Сусан дуьгуьр вуна тарал вегьена-
Муьгьуьбатдин ашкъи рикlив вугуда.
За ви гьава, сусан шербетдиз ухшар,
Хъвада тухдал - гурай ада заз гьевес.
Экуьн кьиляй ракъини багъдиз нурар
Вегьенава кутуна билбилрик сес.
Ви цуьквери кьил хкажна дамахдив
Гузва салам Лезгистандин гьар пипlез.
Шур-шурдин къе манияр гвай булахдив
Суьгьбетзава цуьквери зал вил вегьез.
Ви къушари лап рикlивай чlугвазва
Зи хиялар лап яцlариз аватай.
Жегьил чlавахъ зи гьайифар аквазва,
Хкиз легьзе вугузва зав - къакъатай.
Аватlани чахъ гьар садахъ са уьмуьр:
Вичин йикъар, вичин сувар, вичин гад,
Кьилел алаз атайла лацу дуьгуьр
Тlебиатдин гатфарал чун жеда шад.
Гатфарикай кьве гаф
© Copyright: Гасанова Гюзеля, 2018
Свидетельство о публикации №118050400052
Свидетельство о публикации №118050400052
Рецензии