Зун гумач ви патав, лагь, вун шад яни?
Авайвал, хьайивал жува хиве яхъ…
Фитнеяр багьна кьаз, муькъвер канани?-
Кьисметди чирда чаз гьахъдини нагьахъ.
Фагьума ацукьна, квев ацIанва кьил,
Вуна вуч авуна, рикIе вуч туна?
Вири тахсиррилай за къачунва гъил,
Жува жув багъиша, алакьдатIа на.
КIантIа вун чилел хьуй, кIандатIа цавал,
Лап и дуьня хьурай кIаник ви гъилин,
Вун тIупув къалурда, са тIвар жеда вал-
Саврухра гьатнавай зи канивилин…
Са тIвар жеда вал...
© Copyright: Билал Адилов, 2018
Свидетельство о публикации №118042204751
Свидетельство о публикации №118042204751
Рецензии