Чуьнуьхдач за гьиссер жуван
Рик1ева вун хайи Ватан!
Зин Каспий гьуьл , кьакьан Кавказ
К1анда лап , гьа диде хьиз заз.
Дагъдин рекьер туш заз четин
Къацу чуьллер мехмер хьтин.
Михьи гьава , кьуд пад ачух
Нефес къачуз жедач гьич тух.
На сергьятар тухвана ви
Галк1урнава цавухъ вили.
Вин булахри михьи, серин
Лугьуз твазва мани рик1ин.
Къужахда кьаз чим гудай рагъ,
Галатзавач чин , Шалбуздагъ.
Ифириз тваз , адав хуру
Рехи жезва дагъдин чуру.
Марфади гатай ви синер
Бириш хьанва , тунва гелер.
Валай алакьна гуз дурум
Къати гаруз, гайи ваз рум.
Писдаз туьнбуьгьиз к1евелай
Квахь лугьуз михьи чилелай.
Къастарал к1еви, зин Кавказ
Гьак1 тирвиляй к1анда вун заз!
Зи кавказ
© Copyright: Гулья Мисриханова, 2018
Свидетельство о публикации №118040809696
Свидетельство о публикации №118040809696
Рецензии