Вин вил хьухь зал , хуькведа зун
Ваз , салам лугьуз
Вуна зунни хуьх вин рик1е
Гьа за хьиз , гьар къуз.
Вин вил хьухь зал , серин къузни
Марф къвадай къати.
Кьежейт1ани хуькведа
Вин , патав кваз тади.
Анжах вил хьухь гуьзлемиша
Хуьквезвай рехъ зун
Лувар акатнава зак мад
Акваз к1анз , къе вун.
Зал вил хьухь вин , лугьумир на
Амач ваз кьарай.
Зун хуькведа , акъудиз вин
Сефилвал хурай!
Вин вил хьухь зал
© Copyright: Гулья Мисриханова, 2018
Свидетельство о публикации №118040809560
Свидетельство о публикации №118040809560
Рецензии