Зи вилерал нагъв хьана хьи,
Вири эхна,эхиз жер кьван.
Дердерикай маргъ хьана хьи,
Жуван рикlе мад са хер кьван.
Такурла рикl тlар хьана хьи,
Муртlа къван яз цла авай.
Накъварикай хар хьана хьи,
Къизилгуьл цуьк сува авай .
Рикlикай ккlал хьана хьи,
Зи хуруда юзан тийир.
Дагъдин синел кlвал хьана хьи,
Дапlар яна,хизан течир.
Къе ваз зун ханум хьана хьи,
Цlангурарин тухумдай тир.
Зун якъин мазлум хьана хьи,
Вири крар фагьумдай тир.
Зи фагьум хъуьтуьлд хьана хьи,
Кьамир вуна зун фикирда.
Ви хиял туькьуьлд хьана хьи,
Герек хьанач зун уьмуьрда!
Хьана хьи...
© Copyright: Марьям Алискерова, 2018
Свидетельство о публикации №118033108061
Свидетельство о публикации №118033108061
Рецензии