Мен къоркъаман, анам, мунда къарангы,
Ялбараман, артымдан гел, герегим.
Билесен чи, гёзюм ярыкъ гёрмесе
Нечик гьалек болагъанны юрегим.
Сен эдинг чи, яшым рагьат ятсын деп
Гечелер де сёндюрмейген ярыкъны…
Лампа ярыкъ тюгюл, сени ярыгъынг
Билгей эдинг мунда нечик тарыкъны.
Сен эдинг чи, анам, къысып къучакълап,
Сёз береген къоюп бир де гетмесге.
Сёзлеринг де санларымдай кюл болуп-
Гетдинг къоюп, антлар дагъы этмесге.
Азиз анам, гюнагьынг ёкъ, билемен,
Хатирим ёкъ, юрегимде оьчюм ёкъ,
Алда йимик чабар эдим алдынга,
Топуракъны тербетмеге гючюм ёкъ.
Мен къоркъаман, анам, мунда къарангы...
© Copyright: Нурьяна Арсланова, 2018
Свидетельство о публикации №118033103282
Свидетельство о публикации №118033103282
Рецензии