Ер юзюнде дарман бармы
Шулай уллу ярадан?!
Бир мюгьлетде юзлер булан
Яшлар гете арадан.
Биз йылайбыз, амма биздей,
Пашман тююп къашларын,
Гюнагьлылар уьйлеринде,
Къучакълайдыр яшларын.
…
Элни эси айтмагъа бир
Эпсиз къысгъа экенге,
Жумалар не, эки гюнден
Унутажакъ барын да.
Булут артдан гюн чыгъажакъ,
Чыгъажагъы мекенли.
Пашман юрек ачылажакъ,
Йырланажакъ сарын да.
Имансызлар алдатмышгъа
Яйып янгы хабарлар,
Къуллар болуп битген бизин
Кюйлежеклер оьрлерден…
Кюлге дёнген авлетлерин
Къара ерде басдыргъан,
Аналагъа энниден сонг
Яшамакъ бар ерлерде…
Пашман йыр
© Copyright: Нурьяна Арсланова, 2018
Свидетельство о публикации №118033103276
Свидетельство о публикации №118033103276
Рецензии