Къайда насип, биз этмеге къоркъагъан?
Къайда сююв, сююнчлерин яягъан?
Яй ахшам да къайда алгъыш ёрагъан?
Ява янгур дертлеримни чаягъан…
Геч деп, магъа бирдагъы да гелесен
Болмассан деп менсиз янгыз яшама.
Сенсиз де мен яшайгъанны гёресен,
Сюймейгенге сёнген гюлге ошама.
Дюр эдинг сен яй ахшамым къышымда,
Дюр эдинг сен гёз ачгъанда герегим.
Гюл чечекдей ачылмагъан яшында
Гечмес сенден янгыз къалгъан юрегим.
Гечмес сенден етим къалгъан сюювюм,
Яшлыгъым да, гюнгюрт гюзге ошагъан.
Гёк ахшамлар, бир тенг бёлген гюювюм,
Яз гечелер, бизин учун яшагъан…
Башгъа мени жанындан бек аягъан,
Юрегини сеслерине тынглатып…
Ява янгур дертлеримни чаягъан,
Гечдирмеге геч болгъанны англатып.
Гечдирмеге геч болгъан
© Copyright: Нурьяна Арсланова, 2018
Свидетельство о публикации №118033103246
Свидетельство о публикации №118033103246
Рецензии