Кемерово,лезгины с тобой!
Атlай чара яз кхьизва за и чар,
Мадни панагь ваз гъиз ава чун,Аллагь.
Чlехибурин гуьнагь гьикьван хьана жал-
Кьисас къахчуз къарагъна вун и сиягь?
Ви крарик акахьун вич хата я,
Бес гьикl эхда,гьикl кьабулин ви къарар?
Кьатlузвач за,белки зун икl бати я-
Гьикl къийимна на цlаяриз аялар?
Батlулбурин ганай кlандай жаза на,
Гьин тахсиррин ийеси тир куьлуьбур?
Жедачни чlур икl уьмуьрдин мизанар-
Кьацlайди таз,къачурла пак,михьибур?
Чан алачир ниниярни ишезва,
Гьиниз фена бес ви чlехи регьимар?
Икl фейитlа рузигар,заз кичlезва-
Хъсанбурин кьилел куда зегьемар.
Лугьумир,зун асу жез я ви чиниз-
Ви гьахъвилиз шак гъиз туш зун эсиллагь.
Вучда кьван бес,дерт чукlурун за гьиниз-
Са акьул чаз,са сабур чаз це,Аллагь!
20.03.18 г.
***
© Copyright: Намик Фарзалиев, 2018
Свидетельство о публикации №118033007949
Свидетельство о публикации №118033007949
Рецензии