Бу яйым да догъамны гьар мююшюн
Къурч тавушлу къарлыгъачлар елеген.
Ойлашаман: мен оларсыз нетермен,
Узакъ къалмай гюз ай буса гелеген.
Къушлар бизде нече яйны оьтгерген,
Бир-биревге уьйренмеге чакъ гелген.
Тек къарлыгъач мени гёрюп къарсалай:
"Сакъ болугъуз, яныбызгъа ят гелген!"
Амал гелип, къоркъутмагъа гьакъым ёкъ
Ана къушну, балаларын аягъан.
Уясына ювукъ болсам шинчеки,
Дюньялагъа къара къувун яягъан.
Гьалек къушну, яшларына тие деп,
Юрегине парахатлыкъ гелмейдир.
Авлетине ел уьфюрсе сюймейген
Мен оьзюдей ана экенни билмейдир.
Билмейдир
© Copyright: Нурьяна Арсланова, 2018
Свидетельство о публикации №118032802401
Свидетельство о публикации №118032802401
Рецензии