Ихтияр бер
Ихтияр бер магъа яшама,
Сагъынчлыкъдан гюймей, гёзлемей.
Гьар ёлукъгъан бетде, келпетде
Сени нюр юзюнгню излемей.
Ихтияр бер магъа яшама
Сюювюнг сёнмесге инана.
Лап уллу тавум деп юрегим
Бир сагъа, аявлум, таяна.
Сюювдюр, сюювдюр, къоймайгъан
Яшавну бошлукъгъа ошама.
Барынгдан сююнюп ерлерде
Ихтияр бер магъа яшама.
© Copyright: Нурьяна Арсланова, 2018
Свидетельство о публикации №118032802391
Свидетельство о публикации №118032802391
Рецензии