Юрегимни титирете гертилик:
Къара ерде ятса да сал санлары,
Уллу гече гёбелекге айланып,
Геле дейген оьлгенлени жанлары.
Гьариси бир юлдуз болуп янагъан
Бар эди чи адамларым аявлу.
Энни магъа нюр юзлерин оланы
Эсге сала гёбелеклер боявлу.
Уллу гече. Азиз къалгъан жанлардан,
Кёп уьйлерден мени уьюм сайланып,
Къайсы экен ачылгъан акъ аяма
Къонгъан гелип, гёбелекге айланып.
Аямдагъы гёбелек
© Copyright: Нурьяна Арсланова, 2018
Свидетельство о публикации №118032802343
Свидетельство о публикации №118032802343
Рецензии