Мени сагъа умутум ёкъ,
Умутум ёкъ этеген.
Умутгъа да берилмеген
Бизге, досум, ихтияр.
Абат алса ахыр тыныш
Даимликге битеген,
Тургъан ерим – тюпсюз-ерсиз
Эпсиз бийик итти яр.
Умутсуз да, гьейлер, сююп,
Яллап, гююп болакен,
Бир тюшмей минг тюшюп досу
Юрегине, эсине.
Умутсуз да гёзлер яшдан,
Гёзлер яшдан толакен,
Тынгламагъа бирев ёкъда,
Адам ёкъда сесине.
Амал эди, къачагъандай
Аччы елден, сувукъдан,
Гьисден къачып гирер исси
Гирер "исси уьй" буса.
Ер юзюнде яшама да
Къарар эдим янгыдан,
Тоюнг болар гюнден оьлмей
Оьлмей оьтме кюй буса.
Оьлмей оьтме кюй буса
© Copyright: Нурьяна Арсланова, 2018
Свидетельство о публикации №118032604110
Свидетельство о публикации №118032604110
Рецензии