Тилеймен

Нурьяна Арсланова
Огь, яшавум, сюрюндюре талмайсан,
Заманда бир къурдаш бетде гелсенг де...
Чыдар йимик Сен береген дарслагъа
Уллу гючюм ёкъ экенни билсенг де...
 
Уьйренсенг де, гючюм ёкъгъа къарамай,
Сынамагъа, излеп тюрлю кюйлени,
Ялбараман, алгъасама бузмагъа
Юрегимде умут къургъан уьйлени.
 
Болса болсун, оьтген оьзге гюнлердей,
Бугюнюм де къара тюсге боявлу,
Мен разимен... Тек Сен тийме, тилеймен,
Адамлагъа, сенден де бек аявлу...
 
 
 


© Copyright: Нурьяна Арсланова, 2018
Свидетельство о публикации №118032604107
Список читателей / Версия для печати / Разместить анонс / Заявить о нарушении
Другие произведения автора Нурьяна Арсланова
Рецензии
Написать рецензию
Другие произведения автора Нурьяна Арсланова