Мен сюемен Сен насипли болгъанны,
Менден арек яшасанг да, сюемен.
Англамагъан Зугьраны зар юрегин,
Сен Дагьирге ошасанг да, сюемен.
Оюнчакъны йимик, ойнап ялкъгъан сонг,
Алып мени ташласанг да, сюемен.
Яшавунгда болмагъандай унутуп,
Менсиз яшав башласанг да, сюемен.
Мен сюемен... юрек тебип чыгъагъан
Сатырларым, алгъыш болуп жанынга,
Лап да уллу дуа болуп, Аявлум,
Тезлик булан етишгенни янынга.
Артсыз-алсыз чыракълары ерлени
Шавлаланып ожагъынгда ягъылсын,
Ахыр тыныш бёлегенде, гёзюнгден,
Мен эсинге тюшюп, гёзьяш агъылсын.
Мен сюемен
© Copyright: Нурьяна Арсланова, 2018
Свидетельство о публикации №118032604106
Свидетельство о публикации №118032604106
Рецензии