Юлдузланы инг уллусу
Айрыча бек янадыр,
Сююв гьисни лап гючлюсю –
Къучакъдагъы баладыр...
Янгы тувгъан нарыстагъа
Ер-кёк алгъыш этер дей.
Дюньяларда гьеч зат бармы
Балалагъа етердей?!
«Яш – татыву яшавумну!» –
Демек магъа хас болгъан.
Къарным къайнай сабий гёрсем
Аналары тас болгъан.
Тюзю яхшы, тас болмагъан,
Аналары ташлагъан,
Увуз сютюн эмдирмейли
Оьзлер тапгъан яшлагъа...
Ачымдан мен оьлер эдим
Ашым яшгъа ашатып,
Аршдан туруп ёл гёрсетме
Авлетимни яшатып.
Баламны мен минг алгъышлап,
Чюер эдим аршлагъа...
Мен сав чакъы
Мен тапгъан яш
«Ана!» – демес башгъагъа...
Мен сав чакъы
© Copyright: Нурьяна Арсланова, 2018
Свидетельство о публикации №118032604073
Свидетельство о публикации №118032604073
Рецензии