Къысмат оюн, сюрюндюрюп йыгъагъан,
Сонг тургъузуп гюл байламлар береген.
Бирев сама ёкъдур ерни юзюнде
Сюрюнерин алдынлайын билеген.
Заманда бир, гьакъылымны жыярдай,
Сюрюнмелер болмаса да ялкъаман.
Тек къысматны къаткъагъы кёп ёлунда
Турмас йимик йыгъылардан къоркъаман.
Сюйсе йыгъар къысмат, сюйсе тургъузар,
Гюл сураты яда тёрге илинер.
Гечирген сонг сав оьмюрюм гёз алдан,
Янашыву оьлегенде билинер.
Билинер
© Copyright: Нурьяна Арсланова, 2018
Свидетельство о публикации №118032604059
Свидетельство о публикации №118032604059
Рецензии