Прачніся, белая краіна! --
Вясна чакае за вакном
Той волі, што тут жыць павінна,
І прапісаць жыцця закон.
Прачніся, стомлены народзе,
Парві каваны свой ланцуг!
У вочы зазірні Свабодзе,
Што зберагла ад здрады луг.
Ідзі туды, дзе грае песня,
Што бласлаўляе любы кут,
Бо толькі з воляй уваскрэсне
Жаданне жыць і марыць тут.
А без яе -- ланцуг каваны
На шыю нам начэпіць лёс.
І будуць гніць на целе раны,
Азёры поўніцца ад слёз.
Вярні сваё, вярні святое,
Каб у душы жыла вясна
І акрапі надзеяй тою
Ручнік, дзе воля прарасла.
***
© Copyright: Валерий Познякевич, 2018
Свидетельство о публикации №118032504518
Свидетельство о публикации №118032504518
Рецензии