Мен чи бугюн гёнгюллюмен
Тюгюлдей бирде.
Мен чи бугюн лап насипли
Адамман ерде.
Насибиме себеплер кёп –
Болмай санама,
Тек лап уллу бар бир себеп:
Мен чи анаман.
Мени эки къанатым бар
Боламан учма,
Сувукъ къышны ортасында
Гюл йимик ачма.
Болмасагъыз бу гьалымны
Англама тезден,
Эки яшгъа Ана болуп
Къарагъыз сиз де.
Къарагъыз сиз де
© Copyright: Нурьяна Арсланова, 2018
Свидетельство о публикации №118032510944
Свидетельство о публикации №118032510944
Рецензии