Ви вилера, хуш нурарин хъвер ава,
Пlузаррани темягьдин са гел ава,
Ви къекъуьнрал, шагьварни мягьтел ава,
Зи фикирар элкъвез ава вал, гуьзел!
Шумал беден устадвилиз тамам я,
Гъамлу рикlиз вилин нурар мелгьям я,
ви гьерекат, назик къекъуьн тlарам я,
Аламат я и зун авай гьал, гуьзел!
Сирлу хъуьруьн муьгьуьбатдин эхъен я,
Ажайиб мурад ви гуьрчек беден я,
Яран ялав къекъвезвайди темен я,
Аршда лув гуз ава зи хиял, гуьзел!
Гатун йикъан таза шагьвар гуьзетиз,
Муьгьуьбатдин хура ава минетиз,
Есир хьана вилин нурар гьасретиз,
Заз ашкъидин тlям ая гьалал, гуьзел!
Гуьзелдиз
© Copyright: Магомед Мирзоев Мирзой, 2018
Свидетельство о публикации №118032308635
Свидетельство о публикации №118032308635
Рецензии