Сеннге тюбегинчинге билмейем насыб.
Заман ашыра эдим джангызлыкъ басыб.
Бу джарыкъ, къуанч кюнде, сени таныдым,
Джылыуун сюймекликни энди сынадым.
Джюрегиме сен бердинг учаргъа къанат.
Муратымы мен этдим сенге аманат!
Узатама къолуму, бирге атлайыкъ.
Буйрукъдан насыб юлюш биз да алайыкъ.
Ийнан менге, арюуум, джашау джокъ сенсиз,
Къарны тазалыгъыча иннетим кирсизд.
Кемсиз сюйгениме уа, джыр болсун шагъат,
Сагъышла сенге элте, тангларым атад.
Джюрегиме сен бердинг учаргъа къанат.
Муратымы мен этдим сенге аманат!
Узатама къолуму, бирге атлайыкъ.
Буйрукъдан насыб юлюш биз да алайыкъ.
Ант этеме, багъалым, джукъ бла джарсытмам,
Ёмюрде ауур сёз бла сени къыйнамам.
Джаныма дарманчады сени къарамынг,
Джюрек эритирчады джылы ауазынг.
Джюрегиме сен бердинг учаргъа къанат.
Муратымы мен этдим сенге аманат!
Узатама къолуму, бирге атлайыкъ.
Буйрукъдан насыб юлюш биз да алайыкъ.
Муратым сенге аманат
© Copyright: Айшат Кущетерова, 2018
Свидетельство о публикации №118031609960
Свидетельство о публикации №118031609960
Рецензии