Анагъа аталгъан назму. А. Дементьев

Чал болгъанды ананы чачы,
 Джашындан а джокъду хапары.
 Не заман сакълайды ышаныб.
 Ана тюлмюд, талмайды джаны.
 Ма неге ышанады бу джарлы...
 Талай джыл, уруш тохтагъаллы,
 Талай джыл, къайтханды къайтырыкъ,
 Ёлгенледиле бери къайталмазлыкъ.
 Ненча джаш къуруда бу элге,
 Джыйылалмад, джан бериб кенгде.
 Бир джол, джаз, кино келди элге,
 Джыйылыб къарайды бериюге,
 Къазауат салгъан бушуу, палах,
 Сынагъан, сынамагъан да сакъ.
 Бу ачы эскериуле къозгъаб,
 Сау миллет  бирден бере налат.
 (Тёзмеед джюрек адамлада.)
 Сермеше тургъан солдатлада
 Терк джашын таныб къойду ана.
 Къычырады, чакъырад аны.
 Алексей, Алёша, джашчыгъым.
 Алексей, Алёша, джашчыгъым.
 Алексей, Алёша, джашчыгъым.
 Джеталлыкъча анга ауазы.
 Ма,траншеядан чабыб чыкъды,
 Анасы аны аллын джабды.
 Не къоркъду, джыгъылмасын деб ол.
 Джаш а уа алгъа тутханды джол!
 Алексей, тилейди сау миллет.
 Алексей, сен сау эсен бир джет.
 Тохтады кино,  джашы да сау!
 Ой, тилейди, -къайтарыб бир сал.
 Ой, тилейди, -къайтарыб бир сал.
 Ой, тилейди, -къайтарыб бир сал.
 Джаш дагъыда урушха турду.
 Джарасызды, сауду, бек ётгюр.
 Алексей, Алёша, джашчыгъым.
 Алексей, Алёша, джашчыгъым.
 Алексей, Алёша, джашчыгъым.
 Джеталлыкъча анга ауазы.
 Юйюнде да табмады тынчлыкъ,
 Кёз аллында кинодан юзюк.
 Сескеклид, чачыб къайыгъысын,
 Къагъарыкъча джаш терезесин.