Экяй жедай гуьлчименриз,чуьллериз,
Калин сусар...лугьудай чи патара.
Агагъна кlунчl,хкведайла кlвалериз,
Гьарай къведай куьчедаллай папарай.
"Чан балаяр,фад рагалай вегь абур",-
Лугьузни,чал жедай папар гьалават.
Ийидачир дидейрини чи,кьабул-
"Гала,-лугьуз,-абрухъ лишан,аламат".
Аял тир зун,кьили кьатlун тийидай-
Къалурдайтlа и рафтарвал тlа абруз?
Акурла,за батlулди хьиз килигдай,
Сусан ухшар галай ийер бубуйриз.
Хканайтlа кlвализ-гьатдай къиямат:
"Аман,на зи нек агъурдай квар хада!"
Вуч жедатlа мавгьуматдиз хъия мад-
Авам хьиз зун и чlаларихъ агъадай...
...Гила базан,килигиз а йисариз,
Рикlел хкиз жеда зун...гуьлчимен,дуьз.
Икрам ийиз,заз а калин сусариз,
"Гъил къачу мад",-лугьуз кlанда,темен гуз...
15.03.18 г.
***
© Copyright: Намик Фарзалиев, 2018
Свидетельство о публикации №118031601990
Свидетельство о публикации №118031601990
Рецензии