Унутмагъа болмай сени къайтдым муна таныш ёл,
Къаршылайгъан яшдан берли салам сагъа терек тал.
Гьалынг - гюнюнг билме сююп тал терекден сорайман,
Ишаралар этерму деп бутакълагъа къарайман.
Янгур тамчы болгъан йимик, япыракъ тёге гёзьяш,
Хозгъалгъандай пашманлыкъгъа къавгъалай энни тав таш.
"Сабур болма герек яшым", - япыракълар шыбышлай,
Бутакълары тал терекни акъ гирген башны сыйпай.
Яшав энни зулму йимик, къысмат савгъатлай оьзге,
Гёзъяшларынг бошат юрек энни янгурлу гюзге.
Заман гетген геч болгъансан гёзелден умутунг уз,
Сизин йимик талигьсизлер бу дюньяда бардыр юз.
Таныш ёл
© Copyright: Адилгерей Минатуллаев, 2018
Свидетельство о публикации №118031510913
Свидетельство о публикации №118031510913
Рецензии