Акьван регьят зат1 туш уьмуьр
Яргъаз физва хиялар.
Жагъизвач , жавабар зазни
Четинбур я суалар.
Уьмуьрдив куьн гатаз твамир!
Куьне гатут уьмуьрар.
Дуьз гъавурда гьат куь дустар!
Къенибур хьуй фикирар.
Эцигайла вилик къванер
Хьайид я зун татабар,
Гила , уьмуьрдин сегьнейрай
Кхьизва за ктабар.
Гьак1 ят1ани фида вилик
Ийиз адав гьуьжетар.
Гъалат1рин сан , гзаф ят1ан и
Авунайт1ан къелетар.
Уьмуьр! бесрай гумир на заз
Гзаф четин суалар.
Жагъин тийиз , гудай жаваб
Ялзава за чувалар.
Уьмуьрди зу вердишарнай
Эхи ийиз, гьалчиз харар.
Дегишарнай вухтунини
Жегьилзамаз кьилин ч1арар.
Агъзур жуьре фикир хура
Туна на Уьмуьр!
Гьак1 ят1ани хуш я заз вун
Тахьуй вин эхир!
УЬмуьр
© Copyright: Гулья Мисриханова, 2018
Свидетельство о публикации №118031306182
Свидетельство о публикации №118031306182
Рецензии