Къари хьанва вакай къе заз
Ша , за диде лугьун ваз.
Къенлай кьулухъ , гьар нянихъ чун
Санал жеда , чаяр къваз.
Чарадан руш лугьумир заз ,
Свасдилин вахт хьайид я ваз.
Виридалай мукьва я чун
Вин хциз хуш, суна я зун.
Заз уьмуьрдин юлдаш хьанва
Вуна хайи хцикай!
Ваз хьиз зазни к1анда а кас
Чам авур заз вичикай.
Са кас к1анда чаз кьведазни
Ам, чун патал вири я.
Вун диде я , хва ч1ехивур
Вучиз ви т1вар къари я.
И дуьньяда , чаз кьведазни
Са кас я к1ан хьайиди.
Къари туш вун ханум я чи
Заз наврузбег хайиди.
Са кас я чаз и дуьньяда
Кьведазни лап гьалади.
За тикрарда вири гафар
Лагьай а ви гадади.
И дуьньядал чаз кьведазни
К1ан хьайиди са кас я.
Санал хьайла зунни вин хва
Диде лугьун ваз хас я!
Къаридиз
© Copyright: Гулья Мисриханова, 2018
Свидетельство о публикации №118031305496
Свидетельство о публикации №118031305496
Рецензии