***
Спаўзае снег з пакатых дахаў,
Апошні снег сакавіка.
Пад пераклічку сонных птахаў
Цячэ нябесная рака.
Сарока крыламі вяслуе,
Бы разганяе цішыню.
Што там убачыла? Што чуе?
Мо, беларускую вясну?
З’язджае снег з жалезных дахаў.
Напрыканцы сакавіка –
Пад шматгалоссе розных птахаў –
Зноў запаволіцца рака.
Сарока крыламі вяслуе,
Ды не разгоніць цішыню…
І зноў мяцеліца бушуе,
Бы аддаляючы вясну.
11. 03. 2018 г.
Спаузае снег з пакатых дахау...
© Copyright: Юрий Боровицкий, 2018
Свидетельство о публикации №118031104774
Свидетельство о публикации №118031104774
Рецензии