Гуьзел яз вун тешкилнава Халикьди,
Асул, суьрет устаддизни гьевес я!
Ви гуьрчеквал кьатlудач тек фасикьди,
Ви регьимдиз фикир тагун мерез я.
Югъ къандавай дегиш жезва акунар-
Къадир ава ви назикдин, зерифдин.
Ширин мецен хуш я, гьелбет, рахунар,
Вун бахтавар авай сад я арифдин.
Сирлу я нур вилерин, гьак1 дерин я,
Ви рикlни руьгь гьар ч1авуз милайим я,
Хажалатрик хьайитlани четин яз,
Ви ашкъини мергьемет мидаим я.
Саламатрай куьн гьамиша кьисметди,
Чи назик гуьзелар гурлу гьевесдин!
Саламатрай
© Copyright: Магомед Мирзоев Мирзой, 2018
Свидетельство о публикации №118030807993
Свидетельство о публикации №118030807993
Рецензии