Уьйленмеге герек энни авлет деп,
Ата-ана ала тав юк бойнуна.
Насип яшнат, жагьиллеге савлукъ сеп,
Дуа этип, той башлама уруна.
Яш оьрюмлер шатлы гюню битген сонг,
Бир-биревге юрек тутма башлайлар.
Сююв гьислер къабунмайлын сёнген сонг,
Янгы ожакъ сёз этип бет ташлайлар.
Абур, сыйны татыву дюр тилинде,
Бал ашата, яда увну ютдура.
Юк гётерер гючге таяв белинде,
Сююв шавла ачувну унутдура.
Сюювсюз уьй туснакъ болур насипге,
Ол туснакъдан гьар ким чыкъма талпына.
Айып тюшер тили ёкъгъа касипге.
Уьй бузулса сувукъ сыя санына.
Ата-ана
© Copyright: Адилгерей Минатуллаев, 2018
Свидетельство о публикации №118030310587
Свидетельство о публикации №118030310587
Рецензии