Гьейран хьана килигзава суьретдиз,
Ви хуш къамат хуьзва рикlин деринри.
Рикlеллама - дагъди хурал суьгьбетиз
Ацукьнавай муьтквер таран серинрик,
Пашмандаказ килигиз гъам-хифетиз.
Алтадзавай эхъенди гъил винелай.
Сефил хьайи, тарни авай минетиз,
Нагъв авахьиз такабурлу хилерай.
Сес хьаначир дертлу рик1ин эверин:
Агъуначир ви гафарихъ, гуьзелди.
Гьисери зун тунва геле кlеверин,
Акуначир заз ви камал, гуьзелди.
Шагьварди мад юзурзавай кифера
Мержанар хьиз, ракъин нурар къугъвазва.
Гьейран ама зун гилан ви вилерал,
Гьайиф, шадвал квахьна рикl зи кьуразва.
Ви дердерин ван хьаначир
© Copyright: Магомед Мирзоев Мирзой, 2018
Свидетельство о публикации №118022711767
Свидетельство о публикации №118022711767
Рецензии