Сиглара седкъа лепаш санна
Са цIи хьа дег чу лепаг я.
Пхьаьнашкар цIий дIадодаш сана
Хьоца со даима хуг я.
Йиц ялийт гIертач, йиц ца луша,
Мел гаьна ваьлча, бIаргагуша,
Сибат са духаьл латтад да,
Са къаьмаьл лерг чу декарг да.
Губ ба са керчу боага ала,
ДегтIара муаша беш бола бала.
Ховд да хьона доацилга атта
Iа яьча човнашта духьал латта.
Лаьтт гонахь кхеста бIайха малха,
Бухьдулла хьаста шийла хий.
Хьаала тIаккха Iадика а йийца
Вай шинне къаста бокъо йий?
Сиглара седкъа лепаш санна...
© Copyright: Роза Даурбекова, 2018
Свидетельство о публикации №118022009108
Свидетельство о публикации №118022009108
Рецензии