Пшъэшъэ гъыбз

СишIулъэгъу кIасэм гущэ
Тиурам къеухьыба
Инэплъэгъу фабэм гущэ
Псэм зыримыщэкIыба

Лъагъуныгъэр ибэ гущэ
Нэпсыр сфэмыIыгба
Нэпсы стырэу къехыр гущэ
Нэгушъхэр тырестыкIыба

Сыгу къытеор бзако гущэ
Сыд ащ къыуиIона?
СишIулъэгъу кIасэм гущэ
Ар къыгурыIона…

КIэлэ макъ къызыIурэм гущэ
Щагум сыкъыдэкIыба
Гъуагъомэ якIалэ гущэ
Къысэмыплъэу блэкIыба

ТетIысхьапIэ пхъашэм гущэ
Пшъашъэхэр къекIуалIи
Къэбарышъхэу яIэр гущэ
Гъуагъомэ якIали

Чылэ гъунэм тыгъэр гущэ
Пчыхьэ къэс къохьажьы
Гъуагъомэ якIалэ гущэ
Мос ыпхъужъ рещажьэ

Тиунэжъ укъиплъмэ гущэ
МэлышIо пэIуищых
А чэу нэзым Iутхэр гущэ
КIэлэ зикъэмыщэх

Гъатхэри къызысрэм гущэ
Чъыгмэ зыкъыращы
Пщынэ макъ скIэкIэтэу гущэ
Унэми сыращэ

А къопиплI лэгъунэм гущэ
ЧъыIэм сырестэхьы
Гъуагъом инэплъэгъур гущэ
БгъэкIоцIым естэхьы

Чэщ мэзагъор къэсы гущэ
Сыпсэ хэзыхыщтыр
Сэ егъашIэм оры гущэ
ШIу сфэмылъэгъущтыр.


Instagram: adam_shef

VK: https://m.vk.com/id335952566

Сообщество ВКонтакте "Поэтическая лента": https://m.vk.com/club86648414